Kryetari i Partisë Demokratike, Lulzim Basha ka zhvilluar një takim me të rinjtë dhe qytetarë në Pogradec, ku akuzon Ramën për gjendjen e të rinjve në vend, ndërsa shton se kryeministri mban pranë vetes injorantë e kriminelë sepse ka frikë nga të aftit.
Po ashtu, gjatë fjalës së tij, kreu i demokratëve përmendi dhe ish-deputetin, Klevis Balliu, i cili ndodhet në qeli pasi u arrestua dy ditë më parë gjatë përplasjes së policëve me banorët e Astirit.
Basha u shpreh se ndihet krenar për të, teka theksoi se mbahet në burg me urdhër politik.
“Na mungon dikush sot se Edi Rama ka vendosur të kthejë burgun politik. Na mungon Klevis Balliu i cili mbahet me urdhër politik vetëm e vetëm se qëndroi në krah të qytetarëve që po i dhunonte policia. Unë jam krenar për Klevis Balliun dhe mesazhi që ju çon është që të qendrojmë edhe më fort edhe më të bashkuar në krah të njerëzve dhe kauzës tonë. Të shtunën më 11 maj në Tiranë”, tha Basha.
