Debati i ashpër ndërmjet Bashës dhe Shalsit, kanë marrë vemendjen e kryeministrit Rama. Kreu i qeverisë e ka nisur fjalën e tij në Kuvend me një përgjigje ndaj kryedemokratit Basha, pas përplasjeve të këtij të fundit me deputetin socialist Eduard Shalsi. Mjaft i drejtëpërdrejtë, Rama kërkoi nga Basha që të mos imitojë “Foltoren” e ish-kryeministrit Sali Berisha. Duke qëndruar në të njëjtën linjë, ai i tha me tone ironike se origjinali është gjithmonë më i besueshëm se kopja.
“Së pari, një shprehje keqardhje për atë lokorenë, në vend të mirëmëngjesit. Pas ardhjes i fundit këtu, z. Lulzim, dhe ta kam thënë disa herë publikisht, por edhe personalisht, mos imito ato të “Foltores”. Sepse origjinali është gjithmonë më i besueshëm se kopja.
Sa më shumë klith, si ai i “Foltores”, aq më shumë dukesh personazhi i qajtores. Një burrë që vë kujën me fjalë të cilat si prind u thua përditë fëmijëve të tu se nuk përdoren asnjëherë, dhe e bën këtë në mes të 139 burra e grave të tjerë, dhe në sy të kushedi sa tjerëve që na ndjekin, është një burrë në pikë të hallit.
Megjithatë, hallin që ke sado ta qajmë, nuk ta zgjidhim dot. Duke ju referuar atyre që u thanë këtu, meqë u soll FMN, FMN e kam këtu përpara në deklaratën, në përfundim të misionit dhe po e citoj ‘Ekonomia e Shqipërisë ka treguar një qëndrueshmëri të konsiderueshme pas tërmetit dhe pandemisë. Pas vitit të vështirë 2020, aktiviteti ekonomiko po ringrihet fuqishëm”, u shpreh Rama.
