Kryeministri Edi Rama ka reaguar në lidhje me protestat që po zhvillohen në vend, pas vrasjes së 25-vjecarit, Klodian Rasha nga efektivi i policisë.
Ai akuzon sërish presidentin dhe opozitën si organizatorë të ngjarjeve të dhunshme, dhe sipas tij, presidenti Meta me ish-kryeministrin Berisha, duan të bëjnë kryedemokratin Basha, dhëndër të pushtetit.
Rama u shpreh se ata duhet ta harrojnë se e kthejnë prapë Shqipërinë për përsheshin e tyre.
”Kur policia reagoi ndaj një provokatori famoz gjatë ushtrimit të dhunës opozitare tek Kuvendi, Ilir Meta vrapoi në spital për të vizituar heroin e dhunës! Kur policit të shtetit, i nxjerrin syrin dhunuesit me kapuçë të nxitur prej tij e Saliut, Ilir Meta dënon dhunën policore!
Sipas Ilir Metës policia nuk duhet të reagojë, po duhet të dorëzojë Tiranën dhe veten në duart e dhunuesve të verbër, që ai bashkë me Saliun të bëjnë Lulin dhëndërr të pushtetit dhe Monikën arkëtare të shtetit, si në kohët e arta të bashkëqeverisjes me plumba mbi protestuesit!
Por Iliri dhe Saliu duhet ta harrojnë se e kthejnë prapë Shqipërinë për përsheshin e tyre dhe sado ëndrra të shohë Luli duke mbajtur lugën në dorë që t’i vijë gjella e Monikës, Shqipëria do të vazhdojë drejt përpara, me mund e durim, për t’u bërë ajo që duan fëmijët e saj!’’, shkruan Rama në rrjetin social, Twitter.
Kur policia reagoi ndaj një provokatori famoz gjatë ushtrimit të dhunës opozitare tek Kuvendi, Ilir Meta vrapoi në spital për të vizituar heroin e dhunës! Kur policit të shtetit, i nxjerrin syrin dhunuesit me kapuçë të nxitur prej tij e Saliut, Ilir Meta dënon dhunën policore!
— Edi Rama (@ediramaal) December 12, 2020
