Kryeministri Edi Rama, shprehet se deri më tani 369 mjekë dhe infermierë të vijës së parë të betejës me COVID19, kanë marrë dozën e parë të vaksinës.
Kreu i qeverisë bën me dije se javë pas jave do të rritet gradualisht ritmi sipas planit të vaksinimit.
Vaksinimi vazhdon sërish në Qendrën e Vaksinimit në ”Air Albania Stadium”.
”369 mjekë dhe infermierë të vijës së parë të betejës me COVID19 janë sot më të mbrojtur nga virusi i rrezikshëm, pas kryerjes së dozës së parë të vaksinës antiCOVID në Qendrën e Vaksinimit në Air Albania Stadium, në 6 ditët e para të vaksinimit, teksa procesi do të vijojë edhe sot, pa u ndalur. Javë pas jave rrisim gradualisht ritmin sipas planit të vaksinimit’’, shkruan Rama në rrjetin social, Facebook.
