Deputeti i ri nga lista e LSI-së, Ralf Gjoni ka reaguar lidhur me protestën e opozitës së bashkuar. Ai u shpreh trishtim për atë që quan “dhunë e urrejtje”, ndërsa shkruan se Policët janë qytetarë, baballarë, vëllezër, nëna e motra të të gjithë shqiptarëve.
“Punonjësit e Policisë janë qytetarë, baballarë, nëna, vëllezër e motra të të gjithë shqiptarëve. Trishtim për këtë dhunë e urrejtje që shohim!”, shkruan deputeti i ri në Facebook, duke iu referuar vetëm efektivëve të lënduar.
Kujtojmë se protesta e opozitës zgjati 4 orë, ku pati disa të lënduar nga radhët e policisë, por edhe nga qytetarët. Aktualisht, policia ka shoqëruar 20 persona nga protesta e opozitës, ku pati tensione dhe përplasje.
