Deputeti i ri i Kuvendit, Ralf Gjoni, ishte kryefjala e një dite më parë, pasi i hodhën bojë të kuqe. Militantët e opozitës janë egërsuar me vendimin e disa ‘kandidatëve tradhtarë’.
Ai u qëllua me bojë të kuqe, një mesazh ky pas qëndrimit të tij për të thyer vendimin e LSI-së për djegien e mandateve. Por pa kaluar 24 orë nga sulmi, Gjoni bën me dije se Policia e Shtetit i është gjendur pranë, duke i ofruar mbrojtje.
“Shpresën nuk duhet t’a presim si dhuratë nga të tjerët, por duhet t’a krijojmë vetë. Falenderoj Policinë e Shtetit për reagimin e menjëhershëm dhe mbrojtjen e ofruar gjatë ditës së djeshme e në vazhdim, si dhe miqtë dhe njerëzit e mirë të shumtë që më ofruan mbështetjen e tyre gjatë ditës së betimit në Kuvend.
U bëj thirrje të gjithë kandidatëve në listat elektorale të mos intimidohen nga rruga, por të marrin përgjegjësitë e tyre në këto momente të vështira për vendin. Askush nuk duhet lejuar të cënojë të drejtën themeltare të përfaqësimit në Parlament, përndryshe kemi të bëjmë me terrorizëm politik!”.
