Një qytetar, teksa ka marrë pjesë në protestën e zhvilluar kundër vrasjes së Klodian Rashës, ka bërë një veprim të çuditshëm duke shprehur revoltën e tij.
Gjatë kohës që gazetarja e Syri.net po raportonte live për protestën, qytetari ka kapur mikrofonin dhe i ka dhënë një ‘mesazh’ Ramës. Ai është afruar dhe ka thënë: ”O Edi Rama po ku je mo të q… ropt.”
Gjatë protestës ka patur tension dhe përplasje të protestuesve me policinë, të cilët kanë goditur edhe godinën e Ministrisë së Brendshme, si dhe kanë djegur pemën e krishtlindjeve në kryeministri.
Ata kërkojnë që autoritetet të mbajnë përgjegjësi për vrasjen e Rashës, ku dhe i kanë bërë thirrje Ministrit të Brendshëm, Sandër Lleshaj që të japë dorëheqjen.
Klodian Rasha, 25-vjeç është ekzekutuar me dy plumba këtë të martë, 8 dhjetor, nga një efektiv policie. Ngjarja ka ndodhur në zonën e Laprakës në kryeqytet, pasi i riu kishte dalë orët e para të mëngjesit jashtë banesës së tij, duke thyer orën policore.
Policia shprehet se Rasha ka kërcënuar efektivin e policisë, ndaj ai ka qëlluar në kushtet e vetëmbrojtjes dhe në errësirë. Por, ndryshe thonë familjarët dhe fqinjët të cilët shprehen se rruga është me ndriçim dhe i riu nuk mbante asnjëherë armë me vete.
