“Qindra mijëra qytetarë”, Berisha: Protesta  dridhi nga themelet kakistokracinë

Ish-kryeministri Sali Berisha ë një deklaratë të shkurtër për mediat pas protestës së ditës së sotme u shpreh se kjo protestë drodhi themelet e asaj që ai e cilësoi “kakistokraci”.

“Qindra mijëra qytetarë që vërshuan nga Tirana dhe mbarë Shqipëria, në një protestë e cila dridhi nga themelet kakistokracinë dhe nga ana tjetër ushtoi fuqishëm në mbarë botën kundër narkoshtetit të Edvin Kristaq Ramës dhe klikës së tij”, tha ish-kreu i demokratëve.

Gjatë protestës së sotme, ndryshe nga ato të herëve të shkuara, ish-kryeministri nuk u pa gjatë marshimit në krah të kreut të PD-së, Lulzim Basha. Por ish-lideri i PD-së është shfaqur para godinës së Parlamentit dhe kur Policia ka filluar të hedh gazin lotsjellës me shumicë, madje duke e çuar deri tek lokalet e 5 majit. Berisha është parë të largohet me shoqëruesit e tij besnik.