Ditën e sotme, qeveria vendosi që të mbyllë klubet e natës, diskot, lounge baret si dhe çdo lloj shërbimi të kësaj natyre.
Mosrespektimi i këtij detyrimi nga subjektet, dënohet me gjobë 3 000 000 lekë dhe me pezullim të aktivitetit për një periudhë një vjeçare.
Gjithashtu ndalohet muzika pas orës 20:00 në të gjithë mjediset e shërbimeve të çfarëdolloji.
Mosrespektimi i këtij detyrimi nga subjektet, dënohet me gjobë 1 000 000 lekë dhe në rast përsëritje, me pezullim të aktivitetit për një periudhë gjashtë mujore.
Ndërkohë së fundmi, personazhe të njohur të showbiz-it kanë reaguar lidhur me këto masa, teksa kanë shprehur mosdakordësinë e tyre.
Madje duket se kanë ndërmend ta çojnë më tej këtë çështje duke organizuar një protestë ditën e sotme në orën 20:00 përballë Kryeministrisë.
Disa artistë dhe jo vetëm kanë shpërndarë postimin në Instagram duke u bërë thirrje qytetarëve që t’u bashkohen sot.
Mes personave që kanë shpërndarë postimin nën thirrjen “Kundër aktit normativ” janë Capital T, Xhemi Shehu, DJ Sardi, Olti Curri, Bes Kallaku, Gjiko, etj.
