Situata nga koronavirusi në Maqedoninë e Veriut vijon të jetë e rëndë, teksa vendi sot ka shënuar një rekord viktimash.
Gjatë 24 orëve të fundit, në vendin fqinj janë shënuar 10 viktima nga COVID-19, shifra më e lartë kjo brenda një dite, që nga shpërthimi i pandemisë.
Kështu shkon në 432 numri total i personave që kanë humbur jetën nga koronavirusi në Maqedoninë e Veriut.
Ndërkohë në krahasim me ditët e tjera, në 24 orët e fundit është vënë re një rënie e lehtë e numrit të rasteve të reja. Sot janë shënuar vetëm 96 raste të reja, ndryshe nga ditët e tjera kur regjistrohen mbi 100 të tilla.
Deri më tani, Maqedonia e Veriut ka regjistruar 9,249 raste me koronavirus, prej të cilave rreth 4 mijë raste janë aktive.
Më shumë se 14,7 milionë njerëz nga e gjithë bota janë prekur nga COVID-19, ndërsa mbi 610 mijë persona kanë humbur jetën.