E mërkurë, 20 Janar, 2021
3 C
Tirana

DASH: Qeveritë nuk duhet të përdorin pandeminë si shkas për shtypjen e njerëzve

Departamenti amerikan i Shtetit tha të hënën se Shtetet e Bashkuara mbështesin demokracinë, qeverisjen e mirë dhe të drejtat e njeriut në kohën e pandemisë dhe qeveritë nuk duhet të përdorin sëmundjen si shkas për të shtypur të drejtat e njeriut dhe idetë.

Në një komunikatë të Departamentit Amerikan të Shtetit thuhet e “shoqëritë që respektojnë dhe mbrojnë të drejtat e njeriut, liritë themelore, institucionet demokratike dhe sundimin e ligjit, janë të përgatitura më së miri për t’u përgjigjur në mënyrë transparente dhe efektive ndaj krizave. Një respektim i fortë ndaj të drejtave të njeriut, si dhe veprimi gjithëpërfshirës shoqërisë, janë pjesë e nevojshme e zgjidhjes së krizave të shëndetit publik. Veprimet e qeverive kundër epidemisë së COVID-19, nuk duhet të përdorin sëmundjen si pretekst për shtypjen e personave ose ideve”.

Qeveria amerikane, thuhet në njoftim, “shfrytëzon diplomacinë dypalëshe dhe shumëpalëshe, ndihmën e huaj dhe mjetet e burimet e tjera të politikës së jashtme për të përparuar normat demokratike dhe për të luftuar reagimet autoritare ndaj pandemisë së COVID-19-tës”.

Në Departamentin e Shtetit, Zyra për Demokraci, të Drejtat e Njeriut dhe Punë, ka ngritur një grup pune për COVID-19-tën për të bashkërenduar politikën dhe programimin mbi transparencën dhe llogaridhënien e qeverisë, pjesëmarrjen e plotë të shoqërisë civile dhe qasjen në informacion. Departamenti i Shtetit dhe Agjencia Amerikane për Ndihmë Ndërkombëtare (USAID), kanë ndërmarrë veprime për të çuar përpara vlerat demokratike gjatë pandemisë në shumë vende të botës, përfshirë edhe Kosovën.

“Në Kosovë, programi i USAID-it për Forcimin e Sistemit të Drejtësisë, lehtësoi hartimin e një Plani të Përgatitjes së Emergjencave për Këshillin Gjyqësor të Kosovës, për të udhëhequr vendimet dhe punën e Këshillit gjatë pandemisë së COVID-19 dhe përgjigjen ndaj emergjencave të tjera në të ardhmen. Programi është duke mbështetur gjithashtu zhvillimin e planeve të veprimit gjyqësor që ndër të tjera trajton edhe rrugën e zgjidhjes së situatës me lëndët e prapambetura si rrjedhojë e kufizimit të seancave dëgjimore gjatë pandemisë”, thuhet në njoftimin e Departamentit të Shtetit./VOA

- Reklama -

Më shumë nga kategoria




Të fundit

Video/ Gol i “çmendur” në Angli, portieri shënon nga porta në portë

Portieri i Njuport, Tom King, në Ligën e Dytë angleze, ka shënuar një gol të çmendur ditën e sotme, që po bën xhiron e...

Vr*sja e Santos, dëshmitari: Ekzekutori më drejtoi armën, polici u fsheh

Në grahmat e fundit, bankieri përpiqet me sa mundet ti largohet rrezes së armës siç duket nga kamerat e sigurisë. Por, vrasësi dukej një...

Polemikat për WhatsApp dhe frika për privatësinë e të dhënave

Shumë përdorues e braktisën WhatsApp-in, pasi ai e ndryshoi politikën e tij të privatësisë. Shqetësimet se të dhënat e tyre mund të përfundojnë në...

Zhdukja e biznesmenit italian, gazetarja tregon bisedën me partneren shqiptare

Gazetarja Klodiana Lala ka rrëfyer se vetë ajo ka folur me partneren e biznesmenit të zhdukur italian, Davide Pecorelli. E ftuar në “Open”, Lala u...

Sondazhi/ Opozita fiton Tiranën më 25 Prill, PD rritje krahasuar me 2017-ën

Opozita e Bashkuar del fituese në zgjedhjet e 25 Prillit sa i përket qarkut të Tiranës. Ky është rezultati i sondazhit të parë  të “Notto...