Kryetari i Partisë Agrare Ambientaliste, Agron Duka përmes një postimi në Facebook shkruan se prej kohësh kanë paralajmëruar se ndryshimi i skemës së TVSH-së do të shkatërronte bujqësinë.
Sipas tij, qeveria kërkon që me djersën e fermerëve të mbyllë gropat që ka krijuar në buxhet.
Ai u shpreh se PPA do të mbështesë protestën e blegtorëve dhe fermerëve të Lushnjës, duke paralajmëruar se ditën e nesërme “rrugët do të lahen përsëri me qumësht” në shenjë revolte.
“Meqenëse askush në qeveri nuk po dëgjon klithmën e dëshpëruar e të gjithë atyre që punojnë e jetojnë në bujqësi, ditën e nesërme rrugët do të lahen përsëri me qumësht në shenjë revolte. Partia Agrare Ambientaliste mbështet protestën blegtorëve dhe fermerëve të Lushnjes dhe i bëjmë thirrje qeverisë të veprojë përpara se dëmi për bujqësinë të jetë i parikuperueshëm!”, shkruan Duka në Facebook.
