Kryeministri Edi Rama dhe kryetari i Bashkisë Tiranë, Erion Veliaj, kanë isnpektuar nisjen e punimeve për rindërtimin e banesave individuale në Farkë.
Gjatë inspektimit të punimeve, Rama bashkë me Veliajn ishin edhe në familjen e kreut të PD-së, dega Farkë, ku katër kurora mbetën të pastreha nga tërmeti.
Veliaj theksoi edhe një herë se çdo kurorë do të ketë edhe një banesë të sajën personale. Gjatë bashkëbisedimit nuk munguan edhe batutat mes Ramës e Veliajt me kreun e PD.
Veliaj: Edhe pse keni qenë katër kurora në një shtëpi. Do merrni katër shtëpi. Çimi është dhe kryetar i Partisë Demokratike. Me Çimin në fushatë jemi përballë, kurse në tërmet jemi bashkë për të ndërtuar.
Çimi: Demokracia kështu e ka.
Rama: Demokracia ka dhe një gjë, ju na shani, ne i ndërtojmë për ju . Po s’na shatë ju ne nuk e mbledhim dot mendjen fort. Sa më shumë që na shani
ju, aq më shumë na motivoni kështu që nga një shtëpi, katër shtëpi. Koalicion shpish. Mos u ankoni se nuk lejohen koalicion, koalicionet lejohen. Të gjithë bashkë, por secili në çatinë e vet që të mos krijohet sherr brenda për brenda.
(Rama batuta për djalin vogël të shtëpisë)
Rama: Ky sa të bëhet 18 vjeç s’po pyet më për ustain, do votojë për Lalin.
