Sot Kuvendi do mblidhet në seancë plenare. Sikundër eshtë njoftuar edhe më herët, pritet të zhvillohet një debat për dekretin e Presidentit Ilir Meta, i cili shfuqizoi 30 qershorin si datën e zgjedhjeve lokale.
Në rendin e ditës së publikuar në faqen e Kuvendit, thuhet se mocion-debati është kërkuar nga kryetari i grupit të PS, Taulant Balla.
Dy ditë më parë, në Konferencën e Kryetarëve u vendos 5 orë debat për dekretin e Presidentit, si dhe është bërë publike projekt-rezoluta e hartuar nga PS.
