Një tjetër kandidat nga radhët e LSI-së ka dalë kundër vendimit të “opozitës së bashkuar”, dhe është gati për të marrë mandatin. Nismet Musai është kandidati i LSI-së në qarkun e Fierit, i cili ka dorëzuar formularin e dekriminalizimit në KQZ.
Ai është i katërti në listën e Lëvizjes Socialiste për Integrim në Fier, që pritet të bëhet pjesë e opozitës se re në Kuvend, kundër vendimit të partisë për djegien e mandateve.
Aktualisht LSI në Parlament ka 7 deputetë të betuar. Kujtojmë se një ditë më parë edhe Ralf Gjoni nga lista e LSI-së në Qarkun e Tiranës, pranoi mandatin e deputetit. Sot u betuan në Kuvend tre deputetë të LSI dhe katër të PD.
