E martë, 21 Shtator, 2021
15.5 C
Tirana

Propozimi i Ramës: Të hiqen kufijtë në Ballkanin Perëndimor, si në shtetet e BE

Kryeministri Edi Rama ka deklaruar se shtetet e Ballkanit Perëndimor duhet të heqin kufijtë mes tyre, njësoj siç ndodh në shtetet e Bashkimit Evropian.

Këtë deklaratë, Rama e bëri gjatë konferencës së përbashkët me kryeministrin e Maqedonisë, Zoran Zaev.

“Jemi së bashku në një moment të rëndësishëm ku shkojmë së bashku për integrimin në Bashkimin Evropian. Më vjen shumë mirë që kemi dakordësi për të ecur përpara në krijimin e një zone të përbashkët ekonomike por jo vetëm, të lehtësimit maksimal të kufirit. Kufijtë mes vendeve tona në Ballkanin Perëndimor duhet të jenë po aq fluidë saç janë ato mes vendeve të BE-së.

Më vjen shumë mirë që kemi dakordësi për këtë dhe se së shpejti qytetarët tanë do hyjnë e dalin nga shtetet pa asnjë pengesë, siç dalin qytetarët e Bashkimit Evropian”, tha Rama.

Kryeministri foli për bashkëpunimin dhe marrëdhëniet e mira mes shteteve, ndërsa vlerësoi marrëveshjen e Prespës që i hap rrugë anëtarësimit në NATO:

“Mirëseardhja juaj është vërtet kënaqësi. Vini këtu pas një arritje historike, madhështore që është fryt i lidershipit tuaj dhe Tsipras, marrëveshja e Prespës që i dha fund një ngërçi shumë vjeçar, hapi rrugën e anëtarësimit në NATO.

Shqipëria ndër të parat që ratifikoi protokollin e anëtarësimit të Maqedonisë së Veriut në NATO. Ju jam mirënjohës për faktin se ju çelët rrugën e një harmonie të munguar në shtetin tuaj mes shqiptarëve dhe maqedonasve. Për ne ishte momenti historik seanca juaj ku u fol shqip.”/ Tirana Today

- Reklama -

Më shumë nga kategoria




Të fundit

Kosova ndalon hyrjen e mjeteve me targa serbe, Drecun: Aksioni i planifikuar

Kryetari i Komisionit për Kosovën në Kuvendin e Serbisë, Milovan Drecun, ka deklaruar se aksioni i Njësisë Speciale të Kosovës rreth vendosjes së reciprocitetit...

Ndodh edhe kështu/Nuk siguroi dot biletën, tifozi fshihet në tualetin e femrave

Për të parë skuadrën e zemrës, ia vlen çfarë do lloj sakrifice. Një tifoz skocez i skuadrës së Sëlltikut është përballur me një të...

E mendonin të vdekur në Pukë, si i dështoi plani për inskenimin e vrasjes

Vijojnë hetimet ndaj biznesmenit italian Davide Pecorelli, të cilit i dështoi plani për inskenimin e vrasjes. Shqipëria nis hetimet për "shkatërrim prone" e "dëmtim...

Thellohet tragjedia, shuhet familja Gjoka nga shpërthimi i bombolës së gazit

Pas dy motrave dhe mamasë, ka humbur jetën edhe djali 12-vjeçar i familjes Gjoka. Enriko Gjoka 12 vjeç, fatkeqësisht nuk ia ka dalë t'i...

Vendimi/Çfarë është reciprociteti për targat e Serbisë? Blindohet kufiri

Duke parë situatën e agravuar tashmë mes Kosovës dhe Serbisë, Ministria e Punëve të Brendshme ka kërkuar nga ana e qytetarëve që të shfrytëzojnë...