Presidenti Meta nuk ka të ndalur me publikimin e provave të reja, të asaj që e cilëson grusht shteti nga qeveria. Zëdhënësi i Metës njofton se mesditën e sotme do të paraqiten prova të reja për grushtin e shtetit. Këto fakte vijnë pas atyre për kreun e KED, Ardian Dvorani, për të cilin depozitoi një shtesë në kallëzimin penal.
“Presidenti i Republikës Sh.T.Z Ilir Meta do të japë sot, në ora 12:30 një konferencë për shtyp.
PROVA TË REJA PËR GRUSHTIN E SHTETIT”.
Presidenti Ilir Meta depozitoi dje një padi shtesë për kreun e Këshillit të Emërimeve në Drejtësi, Ardian Dvorani. Në një reagim në Facebook, teksa publikoi dhe kallëzimin shtesë që e ka dorëzuar në SPAK, Meta njoftonte se prova të reja do dilnin në dritë shumë shpejt. Ai akuzonte Ardian Dvoranin si pjesëmarrës në atë që e quan grushtin e shtetit, dhe nuk mund t’i shmanget dot përgjegjësisë penale.
