Banorët e Unazës së Re, të udhëhequr nga nga ish-deputeti Klevis Balliu janë përplasur me forcat e policisë, pranë Ministrisë së Punëve të Brendshme.
Protestuesit kanë tentuar të çajnë gardhin metalik në pjesën e ministrisë që lidhet me pedonalen. Një hapësirë e rrethuar me forca policie për të garantuar kalimin e deputetëve përmes pedonales drejt Parlamentit, për t’ju bashkuar seancës plenare.
Forcave të rendit i janë bashkuar edhe efektivët e Shqiponjave, të cilët i kanë larguar protestuesit nga gardhi rrethues.
Kjo është protesta e shtatë e opozitës dhe sipas paralajmërimeve të drejtuesve të partive opozitare ajo do të vijojë sa herë që në Kuvend të ketë seancë plenare.
