Një incident aspak i këndshëm ka ndodhur sot gjatë protestës së opozitës së bashkuar. Një protestues ka sulmuar gazetaren e Tirana Today, teksa kjo e fundit ndodhej në terren në krye të detyrës, duke pasqyruar protestën e sotme.
Ka qenë pikërisht momenti kur një tjetër protestues u vinte zjarrin zbukurimeve të vëna për Ditën e Verës në trungjet e pemëve nga Bashkia, teksa gazetarja filmonte. Kjo duket se nuk i ka pëlqyer një tjetër protestuesi, i cili ka sulmuar gazetaren e Tirana Today duke tentuar t’i hedhë poshtë celularin e më pas e ka kërcënuar atë, siç duket edhe në pamjet e mëposhtme.
“Hë mi gazetare ça je tu bo? (i shtyn me dorë telefonin)
Ta thyej telefonin”, thotë ndër të tjera djali, i cili më pas vazhdon të prishë zbukurimet e vëna në pemë.
