E diel, 16 Janar, 2022
-3.5 C
Tirana

Protestë në 8 janar! Berisha përgatitet për të marrë me dhunë PD-në

Kryedemokrati Basha ka veshur xhamat e përparmë të derës kryesore të selisë së PD-së me letër ngjitëse, e cila përmbante logon dhe simbolet e partisë. Ky akt ka nervozuar ish-kryeministrin Berisha, duke e cilësuar si blindim dyersh. Çdo ditë e më shumë po thellohen përplasjet mes Berishës e Bashës. Dje ish-kryeministri ka rikujtuar dhe një herë protestën që do të mbahet në datën 8 janar. Ai njofton se mesditën e datës 8 janar do të mbahet protesta kombëtare para selisë së Partisë Demokratike, e cila do të ketë moton “jo bunker i pengut, por shtëpi e demokratëve”.

Berisha ka nisur kërcënimet për nisjen e protestave masive edhe më herët. Sipas tij, protestat janë të vetmet që mund ta shpëtojnë Shqipërinë, teksa ka theksuar se shume prej skandaleve të fundit janë thirrje të qarta se shoqëria shqiptare duhet të ngrihet në protestat më të fuqishme për të përmbysur regjimin.

Komisioni i Rithemelimit të PD: Lul Brava shndërron shtëpinë e demokratëve në bunker personal

Komisioni i Rithemelimit të PD ka reaguar pas veshjes së dyerve të selisë me logon e PD. Në deklaratë, Komisioni shprehet se kreu demokrat nuk mund ta kthejë selinë në një bunker personal, duke iu kthyer izolimit. Sipas Komisionit, akte të tilla nga një kryetar i shkarkuar janë akte turpi, të cilat duan të mbajnë peng partinë duke ndërruar brava.

“Lul Brava shndërron shtëpinë e demokratëve, në bunker personal! Deputeti Lulzim Brava e nisi Vitin e Ri me avazin e vjetër të izolimit. Pasi izoloi veten nga 4446 delegatë dhe 43 385 anëtarë që firmosen shkarkimin e tij, ai ka vendosur në prag të protestës paqësore të demokrateve, ta kthejë shtëpinë e tyre në bunkerin e vetmisë dhe pazareve të tij. Kështu, në një akt turpi dhe paniku të denjë vetëm për një aparat cik të marrë peng, ai ndërron brava dhe po vendosë dyer të blinduara për të shndërruar shtëpinë e demokrateve, selinë e Partisë Demokratike në bunkerin e tij privat”, shprehet Komisioni i Rithemelimit të PD.

Lexo edhe :   Berisha me akuzë të re: Basha, pas kompanive të basteve!
Lexo edhe :   "Basha është pronar i basteve"/PD ia kthen Berishës: Mashtrues kronik!

“Me këtë rast i kujtojmë Lulzim Bravës që mendon se me dyer dhe brava do të mposhtë shumicën dhe pluralizmin në Shqipëri se, ata që shembën regjimin më gjakatar në ‘90 nuk do të lejojnë kurrë asnjë derë brave, hekur apo shul të mbajë peng vullnetin e tyre të shprehur përmes votës së lirë. Partia Demokratike ka lindur si shtëpi e lirisë dhe e tillë do të vijojë të mbetet, kurse Lulzim Pengu së bashku me pengmarrësin e tij do kenë fatin e atyre që bunkerizuan Shqipërinë”, thuheT në deklaratën e Komisionit të Rithemelimit.

- Reklama -

Më shumë nga kategoria




Të fundit

Shuhet legjenda e futbollit shkodran, e mundi sëmundja

Një sëmundje e rëndë ka mposhtur legjendën e futbollit shkodran, Ramazan Rragami, i cili u shua në moshën 77-vjeçare. Rragami vuante prej vitesh nga një...

Falsifikimi i dokumenteve/Gjykata liron nga burgu vëllain e Sheila Haxhiraj

DVP Lezhë në bashkëpunim me DVP Tiranë dhe atë të Elbasanit, finalizuan operacionin “Identiteti”. Nga finalizimi i operacionit, pas tre muajsh hetime, u zbulua...

Misteri afrikan: Pse C*vid-19 ka shkaktuar më pak vdekje se kudo tjetër?

Nga: Federico Giuliani “Il Giornale Është një kontinent i madh, rreth 7 herë më i madh sesa Bashkimi Evropian, dhe i banuar nga pothuajse 1.5 miliardë...

“Basha është pronar i basteve”/PD ia kthen Berishës: Mashtrues kronik!

Partia Demokratike ka përgënjeshtruar akuzat e ish-kryeministrit Berisha, ku tha se kryedemokati Basha është pronar i basteve. Shigjetimet e Berishës ndaj Bashës erdhën nga...

Zgjedhjet lokale, kurthi pervers i Metës për Bashën

Nga: Andi Bushati Pak kohë përpara se Gjykata Kushtetuese të vendosë nëse Presidenti i Republikës e ka tejkaluar rolin e tij për të qënduar mbi...