Kryetari i PDIU Shpëtim Idrizi, ish-deputetja Mesila Doda dhe drejtuesi i LVV në Shqipëri, Bioken Abazi, janë proceduar nga policia, si 3 organizatorët e tubiimit të zhvilluar kundër vizitës së Ministrit të Jashtëm grek, Nikos Dendias në Tiranë.
Përveç tyre, janë proceduar edhe 15 persona të tjerë.
”Gjatë zhvillimit të tubimit, Policia para se të ndërhynte për të shpërndarë tubimin, u ka bërë thirrje protestuesve që të shpërndaheshin, pasi po zhvillohej në kundërshtim me masat anticovid’’, informon policia.
Gjithashtu, në zbatim të Aktit Normativ, shërbimet e Policisë i kanë vendosur masat administrative përkatëse (gjobë), shtetasve që nuk kishin vendosur maskat mbrojtëse.
