Ish-kryeministri Sali Berisha në një prononcim për ‘A2 CNN’ u shpreh se tubimi është një cunam popullor, ndërsa Rama ia mbathi duke u fshehur në tunelet e Skraparit.
“Mirënjohje të pakufishme ndaj atyre që sot firmosin betejën fitimtare nga kakistokracisë. Edi Rama ia ka mbathur sërish ditën e sotme. Edi Rama ka shkuar të tunelet e Skraparit. Ky është një cunam popullur dhe Rama nuk mund t’i fshihet”, u shpreh Sali Berisha.
Protestuesit kanë filluar marshimin e tyre duke rrethuar në mënyrë simbolike godinën e Kryeministrisë pas thirrjes së ish-deputetit demokrat Flamur Noka.
Gjatë protestës, janë hedhur tymuese, flakadanë dhe sende të forta Kryeministrisë, duke shkatërruar dhe gardhin rrethues.
