Një ditë para protestës së opozitës, Aleksandër Biberaj, i rikthyer në PD pas një mungese të gjatë, ka dhënë komentin e tij mbi vendimi e kryeministrit për t’u larguar nga Tirana ditën e nesërme.
I ftuar në emisionin ‘Top Talk’, Biberaj e sheh një vendim të drejtë ikjen e Ramës në drejtim të Beratit, pasi prania e tij në zyrë do të provokonte protestuesit.
“Po të jetë në zyrë do të ketë provokime. Një zgjedhje e mirë që nuk është në zyrë. Secili ka ndjenjat e veta, qytetarët nuk kanë asgjë personale me Ramën. Ata e kanë me faktin se qeveria nuk po punon për ta”, u shpreh Biberaj.
Kujtojmë që kryeministri Rama bëri të njëjtin veprim edhe në protestën e mbajtur në 16 shkurtit, duke shkuar në Vlorë në kuadër të turit ‘Bashkia që Duam’.
