E premte, 22 Janar, 2021
7 C
Tirana

Projekti për Teatrin Kombëtar/ Arkitekti danez Bjarke Ingels: Rama dhe Veliaj kërkuan shembjen

Pas tri vitesh përplasje mes qeverisë, opozitës dhe artistëve, Teatri Kombëtar u shemb. Forcat e policisë rrethuan godinën, e zbrazën për t’iu lënë më pas vendin fadromave të Inspektoratit të Mbrojtjes së Territorit që nisën rrafshimin e godinës. Në fund të muajit maj, Edi Rama për gazetën e njohur franceze ‘Le Monde’ shprehej se “Prishja e ndërtesës së vjetër dhe të shkatërruar të Teatrit Kombëtar, në zemër të Tiranës, për t’u zëvendësuar nga një ndërtesë e re, prodhoi zemërimin e opozitës dhe një ortek lajmesh të rreme”.

Por detaje të reja kanë dalë në lidhje me Teatrin, dhe se kush ka qënë shtysa për të marrë këtë vendim!

Sipas një letre dërguar të përditshmes daneze ‘Politiken’, projektuesi i Teatrit të ri Kombëtar, Bjarke Ingels, shprehet se fillimisht ka pasur ide që të restaurojë godinën e vjetër. Por ai ka zbuluar një detaj të pa thënë më herët, se ka qenë kërkesa e autoriteteve shqiptare që të bëjë projekt për një teatër të ri. Pasi sipas tyre, “ajo barakë s’ka asnjë vlerë arkitekturore dhe historike”.

“Ne gjetëm një zgjidhje radikale për këtë problem të pazgjidhshëm. Duke e ngritur skenën mbi ndërtesën e vjetër, barakat e ushtarëve, mund të përfshijmë gjithë infrastrukturën ndihmëse teatrale, si një kryq tredimensional i mbjellë në kompleksin ekzistues. Një sistem kartezian koordinativ i teknikës skenike. Duket krejtësisht e çmendur. E gabuar— ose gjeniale”, shprehet Ingels në letrën e tij.

Por në vitin 2018, arkitekti është thirrur në Tiranë dhe porosia ka qenë që të zbatohet ideja e dytë, ajo e rindërtimit të një tjetër teatri.

“Në fillim të pranverës 2018, ne u ftuam në Tiranë për t’i paraqitur mendimet tona qytetit. Ne na u tha që duhet të harrojmë barakat e vjetra, sepse ato kurrë nuk kanë pasur ndonjë rëndësi arkitekturore ose historike; dhe duhet të përqendronim të gjithë energjinë në krijimin e një skene kombëtare shqiptare që është e denjë për artet interpretuese. Dhe kështu bëmë”, deklaron Ingels.

Lexo edhe :   Basha: Kur Rama qesh, Shqipëria qan. Njerëzit janë lodhur prej tij

Arkitekti thotë se kontaktet me Ramën kanë filluar në vitin 2011, ku Tiranën e përshkruan si një vend pas lufte, dhe më pas janë intensifikuar pas ardhjes në pushtet në vitin 2013. Ingels shton se projekti i kullave është ideuar që në vitin 2016, vetëm një vit pasi Erion Veliaj ka marrë postin e kreut të Bashkisë së Tiranës, pavarësisht premtimit të tij në fushatë se nuk do japë asnjë leje ndërtimi.

Lexo edhe :   Basha: Kur Rama qesh, Shqipëria qan. Njerëzit janë lodhur prej tij

“Për këtë qëllim në maj të vitit 2020, zbuluam se ndërtesa e vjetër është rrënuar. Këtë javë lexoj në ‘Politiken’ se unë jam pjesë e një rasti të ri korruptiv. Në kohën e këtij shkrimi, ne nuk kemi ende kontratë me Bashkinë. Por kemi ende besim. Ne kemi projektuar një teatër që do të jetë një skenë kombëtare radikalisht transparente dhe tërheqëse për publikun”.

- Reklama -

Më shumë nga kategoria




Të fundit

Krizë totale, Liverpooli humbet ndaj modestëve të Anglisë

Liverpooli është në krizë totale! Ekipi i Jurgen Klopp u mposht në shtëpi nga modestët e Burnleyt me rezultatin 0-1 duke lënë 3 pikë...

Vrasja e Aleks Nikës, Balla: Predha u dëmtua qëllimisht me urdhër të Berishës

10 vite pas vrasjes së katër protestueve në vrasjen e 21 janari të vitit 2019, Policia e Tiranës ka kërkuar ditën e sotme rifillimin...

Gazetarët po rrezikohen nga gjuha e partive politike

Një sondazh i bërë për zgjedhjet e parakohshme parlamentare nga RTV Dukagjini ka nxitur dy partitë politike, Lidhjen Demokratike të Kosovës dhe Partinë Demokratike...

Deputeti i PS: Isha 2 m larg Aleks Nikës në 21 janar, e pashë se kush e vrau

Deputeti i Partisë Socialiste, Alket Hyseni ka bërë një deklaratë të fortë, ku është shprehur se ka qenë shumë afër me Aleks Veizin në...

Sondazhi/ PS do të fitonte zgjedhjet nëse do të mbaheshin sot

Nëse zgjedhjet parlamentare të 25 prillit do të zhvilloheshin sot, një sondazh i Euronews Albania në bashkëpunim me kompaninë prestigjioze MRB, zbuloi se 41.8...