Pajtimi mes shqiptarëve dhe serbëve mbetet gjithmonë i vështirë, e me rastin më të parë reagimet negative dëshmojnë se nuk mund të ekzistojë një marrëdhënie e paqtë. Një debat i madh ka shpërthyer në Twitter, ku një njohës i çështjeve politike nga Mali i Zi tha se Princi i Jugosllavisë është me prejardhje shqiptare. Kaq ka mjaftuar që të shpërthenin kritikat, e ndërsa malazezi është fyer e kërcënuar.
Revolta e hapur ka shpërthyer në “Twitter”, pas postimi të një fotografie, ku Princi Pavle i Jugosllavisë shihet me veshje kombëtare shqiptare, ndërsa u tha se edhe familja e tij ka prejardhje shqiptare nga fisi Kelmend që vjen nga Shqipëria e veriut.
Ljubomir Filipovic nga Mali i Zi, u bë sebep që serbët të mos përmbaheshin, pasi publikoi një foto të Princit Pavle Karadordevic me veshje tradicionale shqiptare. Në morinë e kërcënimeve, nuk mungonte edhe deputeti serb Konstantin Samofalov.
Por si nisi kjo situatë e cila më tej u agravua? Filipovic shkroi së një nga teoritë thotë se origjina e familjes së Princi Pavle është nga fisi Kelmend i veriut të Shqipërisë.
“Princi jugosllav Pavle Karadordevic në kostumin kombëtar shqiptar. Një nga teoritë e origjinës së familjes mbretërore Karadordevic thotë se ata kanë preardhje nga fisi Kelmend i veriut të Shqipërisë”, shkroi Ljubomir Filipovic mbi foton e shpërndarë në Twitter.
Pas kundërshtimeve në Twitter nga disa serbë, autori shkroi: “Kaq e vështirë është të pranohen shqiptarët, si qenie njerëzore të barabarta?”.
Ai më pas ka publikuar emra të shumë personave, të cilët janë edhe fytyra publike në Serbi, siç është deputeti Konstantin Samofalo, që e ka kërcënuar e fyer rëndë.
“Synimi im i tweet-it ishte të tregonte se sa të ngjashëm jemi, në Ballkan kemi shumë më tepër të përbashkëta nga sa mendojmë zakonisht. Ajo që kam pranuar është një sulm shovinist dhe fyerje nga njerëz si deputeti serb Konstantin Samofalov. A është kaq e vështirë të pranosh shqiptarët si qenie njerëzore të barabarta?”, ka shkruar ai.
