Prestigjozja “Arte” ka bërë një dokumentar për “Fundjavë Ndryshe”, duke dëshmuar punën e pakursyer të të rinjve vullnetarë dhe jo vetëm, të cilët kanë treguar se bashkë mund t’ia dalin.
Janë këto histori suksesi, ku me dhjetra familje shqiptare kanë gëzuar kur kanë dalë nga mjerimi. Kur çadra ishte vendi ku mblidheshin e luteshin çdo ditë me shpresën se do gëzonin një ditë të bardhë. Këto histori njerëzore ku çdokush e prek dhe e përjeton, janë marrë përsipër nga “Qendra e Solidaritetit Fundjavë Ndryshe”.
Në një kronikë ku duket puna e një dite të zakondshme në terren të vetë drejtuesit të Fondacionit “Fundjavë Ndryshe”, Arbër Hajdari dhe të stafit e vullnetarëve, pasqyrohen vujtjet, lotët e skamja.
Dëshirat e familjeve janë për të patur një krevat, një dollap ku të vendosin rrobat, një shtëpi. Kjo duket paradoksale, por varfëria ti shuan shpresat e nuk të lë të ëndërrosh.
Në këtë dokumentar dëshmohet puna kolosale e “Fundjavë Ndryshe”, e cila në 5 vite ka mbushur zemrat e shqiptarëve, të cilët kanë gjetur një strehëz ku të jetojnë.
“Pesë vjet më parë, Arbër Hajdari themeloi një shoqatë humanitare, për të ndihmuar të varfrit që jetojnë në Shqipëri. Kjo varfëri nuk është e re, shpjegon ai, por shoqëria e ka injoruar atë. Falë kësaj shoqate, mijëra familje shqiptare kanë dalë nga varfëria. Por detyra është akoma e madhe: rreth 40% e shqiptarëve jetojnë me më pak se pesë euro në ditë”, thuhet bashkëngjitur dokumentarit në fjalë.
Klikoni në link: https://www.arte.tv/fr/videos/093707-008-A/arte-regards-quand-les-jeunes-defient-la-pauvrete/
TIRANA TODAY
