Presidenti i Venezuelës, Nicolas Maduro beson se koronavirusi është bërë si një armë biologjike kundër Kinës. Për të, analiza globale nuk dëshmon gjë tjetër veçse se koronavirusi është krijuar për të zhvilluar një luftë biologjike kundër Kinës.
“Analiza globale tregon se koronavirusi mund të jetë një tendosje, e krijuar për të zhvilluar një luftë biologjike kundër Kinës.
E gjithë kjo tregon se është koha për ta shpallur atë publikisht, për të ngritur alarmet për të parandaluar përdorimin e koronavirusit kundër Kinës dhe vendeve të tjera”, tha Maduro.
Virusi u shfaq në fund të dhjetorit 2019 në qytetin kinez Wuhan, qendra ekonomike dhe industriale e provincës Hubei, me një popullsi prej rreth 11 milion.
Përhapja e shpejtë e koronavirusit ka nxitur frikën e një pandemie që nuk është shpallur ende nga Organizata Botërore e Shëndetit, por që të premten ngriti nivelin e rrezikut global në “shumë të lartë”.
Deri më tani koronavirusi është përhapur në 58 vende të botës, me mbi 85 mijë të infektuar dhe afro 3000 të vdekur.
Në Itali deri më tani janë regjistruar 29 viktima dhe 1128 të infektuar. Në Shqipëri nuk ka asnjë rast të konfirmuar me koronavirus.
