Një i ri për të cilin ish-gruaja e tij ankohej se kishte krijuar një profil në një rrjetin social Facebook me emrin e saj, dhe postonte aty foto të saj me përmbajtje erotike, është dënuar nga një gjykatë në Greqi me vetëm dy muaj burg.
Dënimi i tij u shqiptua nga gjykata, e cila e shpalli fajtor 25-vjeçarin për transmetim, shpallje dhe shpërndarje të të dhënave personale. Ai nuk mori pjesë në gjyq dhe avokati i tij që e përfaqësonte, mohoi të kishte postuar fotot në fjalë, me arsyetimin se postimi është bërë nga vetë paditësja.
Gruaja pretendoi se kishte parë fotot e saj të publikuara gjatë një debati, kur i rrëmbeu celularin ish-bashkëshortit dhe ai u tha të afërmve se e kishte bërë për… qejf!
Burimi i lajmit: protothema. Përshtatur nga Tirana Today
