Prokuroria e Posaçme Anti-Korrupsion (SPAK) ka finalizuar një operacion masiv në Kadastrën e Lushnjes. Uniformat blu kanë arrestuar 10 persona, mes tyre edhe kryetari i Bashkisë së Lushnjes Fatos Tushe.
Ky i fundit është ndaluar në kuadër të një operacioni të organizuar nga Prokuroria e Posaçme Kundër Korrupsionit dhe Krimit të Organizuar, dhe të zhvilluar nga forcat RENEA. Operacioni anti-korrupsion ka nisur mëngjesin e sotëm.
Emrat e të arrestuarve të tjerë nuk dihen ende, por paraprakisht mësohet se bëhet fjalë për zyrtarë të lartë.
Aksioni është në zhvillim dhe nuk bëhen të ditura më shumë detaje. Pritet njoftimi i SPAK në lidhje me urdhër-arrestet e firmosura për nëpunës publikë, deri te kreu i Bashkisë Fatos Tushe.
