Një operacion i madh i organizuar nga policia në Gjirokastër ka rezultuar me sekuestrimin e 10 makinave luksoze dhe shoqërimin në polici të 9 personave. Operacioni i bluve është organizuar pasditen e djeshme dhe ka vijuar deri në orët e mbrëmjes.
Sipas raportimeve të policisë, në akse të ndryshme të qarkut Gjirokastër janë ngritur pika të ndryshme kontrolli. Gjatë aksionit janë sekuestruar 10 makinë luksoze të cilat kanë pasur probleme me dokumentacionet dhe janë shoqëruar 9 prej drejtuesve të mjeteve.
Në aksion ka marrë pjesë dhe drejtori i Policisë së Shtetit Ardi Veliu.
“Sa më shumë pika kontrolli për te goditur mjetet e parregullta dhe ato të luksit, si dhe ndalimin e personave në kërkim“, mësohet të ketë thënë Veliu. Operacioni do të shtrihet dhe në qarqe të tjera.
