Fotoja e një majmuni që i zgjat dorën një njeriu për ta shpëtuar nga gjarpërinjtë po bën mjaft bujë në rrjetet sociale.
Fotografi amator Anil Prabhakar ishte në një ekspeditë të drejtuar nga Fondacioni Survival Borneo orangutan (BOS), në momentin që realizoi foton mbresëlënëse. Ai u shpreh se personi që ndodhej në ujë ishte rojtari i zonës, i cili po pastronte vendin nga gjarpërinjtë helmues.
“Kishte raportime se në atë zonë kishte shumë gjarpërinj, ndaj dhe rojtari i ishullit erdhi për t’i pastruar ata. Kur rojtari ishte në ujë dhe po pastronte zvarranikët helmues, unë pashë një orangutan të vinte shumë pranë tij duke i zgjatur dorën për ta nxjerrë nga uji, pasi burri e kishte shumë të vështirë për të dale si pasojë e baltës së tepërt”, tha ai për CNN.
Gjarpërinjtë helmues janë rreziku më i madh për orangutanët në Borneo, të cilët gjithashtu ndeshen nën kërcënimin e zjarreve të pyjeve.
