Disa banorë në afërsi të shkollës “Çajupi” në kryeqytet janë përfshirë në një konflikt, dhe si pasojë e përleshjeve raportohet të jenë plagosur me sende të forta katër persona.
Është qëlluar në ajër me armë zjarri, por deri tani nuk ka të konfirmuar për ndonjë të dëmtuar me armë. Gjatë sherrit, njëri prej banorëve ka qëlluar në ajër me armë zjarri, dhe më pas është neutralizuar nga uniformat blu.
Pjesë e ngjarjes është bërë edhe operatori i ‘Fax News’, ku në momentin që ka tentuar të filmojë konfliktin, është sulmuar fizikisht nga agresorët. Ndonëse ai ka thënë se është punonjës i medias, në drejtim të mjetit të tij është goditur me karrige, dhe më pas është tentuar dhe dhunimi i tij fizik.
E gjithë ngjarja është zhvilluar në praninë e policisë, ku 4 persona kanë mbetur të plagosur nga përdorimi i sendeve të forta. Burimet bëjnë me dije se është dashur ndërhyrja e një partulle shtesë policie, për rikthimin e situatës në normalitet. Po kështu është sekuestruar dhe një armë zjarri, e cila dyshohet se është përdorur nga një prej banorëve.
https://www.youtube.com/watch?time_continue=47&v=whSOcd7QgHo&feature=emb_title
