Plagosja në Kavajë, Basha: Përgjegjës janë njerëzit e Ramës

Kryetari i Partisë Demokratike, Lulzim Basha ka komentuar ngjarjen e rëndë që ndodhi në qytetin e Kavajës, ky një sekretar i PD-së, u plagos në zyrën elektorale.

I ftuar në emisionin “Të Paekspozuarit”, Basha e ka quajtur ngjarjen një atentat ndaj demokracisë” nga njerëz të kryeministrit Edi Rama.

Ndër të tjera, Basha u shpreh se Rama do të marrë ndëshkimin e merituar më 25 prill, pas 8 viteve të dështuara në krye të qeverisjes.

Lulzim Basha: Është një atentat kundër demokracisë. Tregon që Edi Rama e ka humbur toruan dhe kontrollin. Si shumica dërrmuese e shqiptarëve, e ka kuptuar që në zgjedhjet e 25 prillit, ai do të humbë dhe Shqipëria do të fitojë. Rasti ishte një sulm me armë brenda shtabit elektoral të zonës në një nga lagjet e Kavajës, nga tre militant të PS-së, tashmë të identifikuar.

Heshtja e pandërprerë e njeriut që është shkaku i gjendjes ku ka mbërritur Shqipëria… Një akt i ndërmarrë në kufijtë e panikut, për të na mbyllur gojën. Dua ta përsërit prerë, ti them që koha e frikës ka mbaruar. Në 25 prill mbaron koha e tetë viteve dështim. Përgjgijen do ta marrë jo vetëm nga Kavaja, por nga e gjithë Shqipëria. E konsiderojmë këtë një akt të një grupi të kryesuar nga Edi Rama. Dua t’i ndaj veç socialistët e ndershëm, jo vetëm ata që janë vërshuar të bëhen pjesë e ndryshimit, por edhe ata që kërkojnë që Shqipëria të ndahet nga kjo rrugë. Është atentat politik. Media e di fare mirë që këta janë njerëzit e Edi Ramës.