Një 16-vjeçar nga Fushë- Kruja është arrestuar ditën e sotme nga policia, pasi goditi vëllain e tij 22-vjeçar me thikë.
Sipas policisë, sulmi i adoleshentit me iniciale O.O ndaj vëllait A.O erdhi pas një konflikti për motive të dobëta. 16-vjeçari është arrestuar nga policia në flagrancë, ndërsa në cilësinë e provës materiale u sekuestrua edhe mjeti i krimit (thikë).
Njoftimi i policisë:
Specialistët për hetimin e krimeve në Komisariatin e Policisë Krujë, arrestuan në flagrancë shtetasin e mitur: O.O.,16 vjeç, banues në Luz, Fushë-Krujë.
Ky shtetas pas një konflikti të çastit për motive të dobëta, ka goditur më mjet prerës (thikë) vëllain e tij shtetasin A.O.,22 vjeç. Në cilësinë e provës materiale u sekuestrua mjeti prerës (thikë).
