Të dhëna të tjera shokuese formojnë pjesën tjetër të ngjarjes së rëndë në Greqi, ku burri vrau pa pikë mëshire bashkëshorten në sy të foshnjes së tyre 11 muajsh. Ngjarja tronditi mbarë opinionin publik, e ndërsa familjarët e së ndjerës i kishin dhënë para edhe për funeralin.
Piloti vrasës i kishte kërkuar lekë prindërit të së ndjerës, edhe për funeralin. Kapiteni i anijes që transportoi pilotin Babis Anagnostopoulos nga vendi ku mbahej përkujtimorja për të shoqen në GADA ku ai rrëfeu vrasjen para hetuesve, ka treguar si ai ishte gjithë kohës duke buzëqeshur.
“Nuk kam parë aktor më të mirë. Ai po buzëqeshte si të ishte duke bërë shëtitje në det”, deklaroi ai.
Dimitris Anthimos tha se nuk ishin njoftuar për të nxjerrë njerëzit në xhiro, por për një operacion policor të fshehtë dhe të mirëorganizuar. Ai dhe anëtarët e tjerë të bordit nuk e dinin as emrin e personit që do transportonin. Ata e kuptuan që ishte burri i Caroline.
Fillimisht policia kishte menduar transportimin e tij me helikopter, ndërsa më pas e shmangën këtë opsion për shkak se nuk donin ta linin atë të fluturonte me një mjet që e njeh me sy mbyllur. Sipas Protothema, 6 ditë para vrasjes së Caroline, piloti bleu një tokë në emrin e tij me paratë që kishte marrë nga nëna e gruas së tij.
Lajmi u konfirmua për SKAI nga avokati i familjes, Thanasis Harmanis. Nga ana tjetër, psikologia e çiftit zbuloi se Caroline i kishte thënë bashkëshortit se do të divorcoheshin para se të fillonin seancat tek ajo.
“Caroline kishte vendosur të divorcohej, dhe erdhi tek unë për ta këshilluar se si ta trajtonte prishjen e martesës së saj. 20-vjeçarja nuk pranoi të kishte marrëdhënie me prindërit e bashkëshortit të saj, dhe nuk e kishte fshehur dëshirën për të lënë shtëpinë”, ka thënë ajo.
Gjithashtu Caroline kishte vendosur që të mos e pagëzonte vajzën e tyre, Lidia, në Athinë por në Filipine, vend nga ku edhe kishte origjinën. 32-vjeçari Babis Anagnostopoulos ndodhet pas hekurave, pasi pranoi vrasjen e bashkëshortes së tij, Caroline Crouch. Ai u arrestua 37 ditë pasi mbyti të shoqen dhe u mundua ta fshihte krimin, duke sajuar një grabitje.
