Mbretëresha Elizabeta II e udhëheq monarkinë britanike për 67 vite, por përsëri ne njohim shumë pak prej saj. Familja mbretërore është shumë diskrete, edhe pse shpesh bëjnë dalje publike në gazeta të shumta apo faqe kopertinash. Mbretëresha nuk ndan shumë informacione për veten apo jetën private. Edhe pse ka qenë në qendër të vëmendjes gjithë jetën, sërish publiku e njeh shumë pak.
Por, përgjatë viteve disa gjëra janë bërë publike, që nga dashuria për kuajt e deri te sensi i saj i humorit. Pasi festoi ditëlindjen e 93 në muajin prill, Mbretëresha veç na impresionon me gjallërinë për jetën, dashurinë për kafshët dhe aftësinë për të bërë të qeshin. Më poshtë ne po ju listojmë 10 fakte interesante, që ndoshta nuk i dini për Mbretëreshën e Anglisë.
1- E përdor gjithnjë çantën e saj për t’i dërguar sinjale stafit. Nëse e kalon çantën në krahun tjetër, po sinjalizon se do që biseda në fjalë të përfundojë shpejt.
2- Është pijedashëse, konsumon çdo ditë nga një gotë shampanjë, xhin dhe aperitiv. Shkaku:Rutina e jetës së një monarku.
3- Ju bashkua ushtrisë britanike gjatë Luftës së Dytë Botërore, ku punoi si mekanike dhe shofere kamioni.
4- Kur i dhurohet ndonjë kafshë e rrallë, ia fal Kopshtit Zoologjik të Londrës. Elisabetës i është dhuruar një elefant, dy breshka, një xhaguar dhe një çift kastorësh.
5- Fytyra e saj është e stampuar në monedhat kombëtare të 35 vendeve të ndryshme. Në këtë aspekt, ajo mban rekordin në Librin Guinness.
6- Mbretëresha mbështet mbi 600 organizata jofitimprurëse dhe bamirëse.
7- Është monarkia e parë britanike, që festoi “përvjetorin prej platini”: 70 vjetorin e martesës me Princin Philip.
8- Pavarësisht pasurisë së madhe, është shumë kursimtare. Shumë veshje nuk i hedh por i lan, dhe i përdor disa herë gjatë vitit.
9- Që në moshën 4-vjeçare i ka fiksim kuajt. Ferma e saj ka rreth 25 kuaj race, të cilët i shalon edhe sot në moshë të thyer.
10- Nuk ka dhënë thuajse asnjëherë intervista. Pas 22 vjet përpjekjesh, BBC i mori në 2017 një rrëfim, por gazetari s’kishte të drejtë të bënte pyetje./ TIRANA TODAY
Denonco ne TT