Të tjera detaje janë zbardhur nga pengmarrja e të ndjerit Jan Prenga. Policia ka dyshime që trupi i pajetë i Jan Prengës mund të jetë varrosur në Shijak. Sipas informacioneve nga kanale jo zyrtare të policisë, Jan Prenga ka vdekur rrugës pasi është rrëmbyer barbarisht në Kamëz më 17 janar dhe është varrosur në Shijak.
Sipas BW, rrëmbimi i tij është urdhëruar nga një grup i strukturuar kriminal në Angli i përbërë kryesisht nga shqiptarë.
Gazetarja Klodiana Lala ka zbuluar se vëllai i Jan Prengës, i cili jeton në Angli, është kontaktuar nga një grup i fuqishëm që me kamionin e tij të nxjerrë nga Mbretëria e Bashkuar mbi 300 kg kokainë, që mbërrinte nga Amerika Latine. Nga përgjimet rezulton se ai e ka marrë lëndën narkotike, por nuk e ka dorëzuar në destinacion.
