Të dish të marrësh frymë mirë i shërben mirëqenies psikofizike. Le të shohim se si te mësojmë frymëmarrjen e duhur dhe pse ndihmon veçanërisht në këto kohë të #unerrineshtepi.
Ankthi, stresi, pagjumësia. E dimë tani: qëndrimi në shtëpi për të luftuar koronavirusin mund të shkaktojë shqetësime psikologjike me kalimin e kohës.
Ndër këshillat e ekspertëve për të na ndihmuar të ndihemi më mirë, përveç leximit, ushtrimit dhe të ngrënit siç duhet, ekziston edhe mundësia për të mësuar, një herë e përgjithmonë, të marrim frymë si duhet.
Pa oksigjen, nuk mund të digjen lëndët ushqyese dhe të kemi energji. Dhe nëse nuk mund të eliminonim dioksidin e karbonit të prodhuar nga proceset e djegies qelizore, ne do të intoksikohemi “, – tha Salvatore Bellofiore, president i grupit të studimit mbi patofiziologjinë e frymëmarrjes të Shoqatës Italiane të Pulmonologjisë.
Shkurt, frymëmarrja i jep ritëm jetës. Dhe kur e bëni me vështirësi, duhet ta rregulloni me kuren e frymëmarrjes.
Duke u ndalur pak më shumë në atë se si thithim dhe nxjerrim ajrin, mund të të ndihmojmë të jetosh më mirë: idealja do të ishte frymëmarrja e thellë diafragmatike, në të cilën rritet kohëzgjatja dhe gjerësia e frymëmarrjes, duke përmirësuar oksigjenimin e indeve.
Për të kuptuar nëse merrni frymë me diafragmën ose në një mënyrë më sipërfaqësore mjafton të vini një dorë në bark dhe një në gjoks: e para duhet të ngrihet gjatë frymëmarjes, e dyta nuk duhet.
Efektet? Përveç kontrollit të ankthit dhe emocioneve negative, frymëmarrja gjithashtu sjell pasoja pozitive në cilësinë e gjumit, përmirëson automatikisht sjelljen dhe lehtëson kontraktimet dhe dhimbjet në shpinë dhe qafë.
Jo vetëm kaq: me më shumë oksigjen të disponueshëm të gjitha indet dhe organet funksionojnë më mirë, nga muskujt në sistemin tretës, nga sistemi imunitar në tru.
