Rama i ka kthyer përgjigje Metës sa i takon përmbytjeve. Kujtojmë këtu se presidenti Ilir Meta kërkoi reagim të shpejtë nga qeveria dhe jo propagandë. Më herët, kreu i shtetit është shprehur se është e papranueshme që shumë familje të vuajnë prej ditësh mungesën e ujit të pijshëm dhe rezervave ushqimore, për shkak se asnjë autoritet shtetëror nuk i ka paralajmëruar në kohë për të marrë masat e nevojshme nga reshjet.
Në kundërpërgjigje, kreu i qeverisë Rama ka dhënë një përgjigje ironike, duke thënë se Meta është në hall se është në kërkim të një komerdareje.
“Meta është në hall, është në kërkim të një komerdareje. Kudo ku sheh ujë, shkon për të gjetur komerdaren, nuk e ndihmoj dot, është punë e tij”, tha Rama.
