Përjashtimi i Lelit nga PS-ja, Shehi: Nuk iu bind Ramës

Kryetari i Lëvizjes për Zhvillim Kombëtar, Dashamir Shehi, ka komentuar vendimin e kryeministrit Edi Rama, për të përjashtuar nga Partia Socialiste, kryebashkiakun e Vlorës, Dritan Lelin.

Sipas Shehit, Lelin e ndoqi mallikimi i Gjikës në krye të Bashkisë së Vlorës, dhe mëkati më i madh që bëri ishte refuzimi i urdhrit të Ramës për të kandiduar për deputet.

Postimi i Shehit në rrjetin social, Facebook

“Kryeministri Edi Rama sot në Vlorë “harroi” të fliste të Dritan Lelin, të cilin e ndoqi “mallkimi” i paraardhësit të tij Shpëtim Gjika. Mëkati më i madh i Lelit është se refuzoi urdhrin e kryetarit për të lënë postin e kryebashkiakut dhe për të kandiduar për deputet.Rama foli për aeroportet dhe portet e Vlorës, por nuk tha asnjë fjalë për vrasjet kriminale që po tronditin këtë qytet. Nuk foli asnjë fjalë për të zhdukurit për shkak të larjes hesapeve për prishjen e pazareve të drogës. Rama nuk foli asnjë fjalë për rikthimin e trafikimit të qenieve njerëzore me gomone drejt Italisë. Pasagjerët këtë herë nuk janë shqiptarët e varfër, por emigrantët Sirinë, më të cilët prej 5 vitesh jemi në konkurencë për vendin e parë si azilkërkues në Evropë.”

Pakënaqësia e Ramës me Lelin u vërejt që ditën e hënë kur kryeministri pohoi se kryebashkiaku nuk kishte pranuar që të hiqte dorë nga mandati si kryetar bashkie, për t’u angazhuar në fushatë.