81% e vaksinuar/ Ushtria e Izraelit, e para në botë që arrin imunitetin e tufës

Gjeneral-Major Itzik Turgeman, kreu i Drejtorisë Teknologjike dhe Logjistike të Forcave Izraelite të Mbrojtjes, tha në një konferencë me gazetarët se aktualisht ka rreth 81% të personelit të ushtrisë të cilët ose janë vaksinuar ose janë shëruar nga koronavirusi i ri.

“Ne jemi në fund të operacionit të vaksinimit. Fillimisht, qëllimi ynë ishte të mbaronim operacionin brenda 8-10 javësh. Tani jemi duke përfunduar javën e 10-të, ne e bëmë atë në kohën më të shkurtër të mundshme, në një mënyrë precize. ” tha ai.

Turgeman shtoi se ai vlerëson se deri në javën e ardhshme, IDF-ja do të arrijë 85% të imunitetit, shkruan Jerusalem Post.

Komandanti i Korpusit Mjekësor të IDF, Brig.-Col. Prof. Elon Glazberg, tha se kjo arritje lejon IDF të fillojë të kthehet në rutinën e saj para koronës.

“Deri dy muaj më parë, ky operacion dukej i pamundur. Ne e bëmë atë bazuar në një proces mësimi të përditshëm, dhe kemi me kë të krenohemi. Falë bashkëpunimit produktiv me sistemin civil shëndetësor, ne ia dolëm.”– tha ai.