Qeveria “Rama 3″ u votua me 77 vota pro, 53 kundër dhe 1 abstenim në një seancë maratonë në Parlament. Qeveria e re do të betohet te Meta, presidenti që ka marrë ‘vulën’ e shkarkimit nga Kuvendi i vjetër.
Në një prononcim për mediat nga Korça, kreu i Shtetit, Ilir Meta, vlerësoi se demokracia në vend është në një gjendje problematike. Ai tha më tej se janë mundësitë për rivendosjen e plotë të demokracisë, për një parlament funksional.
“Situata me demokracinë në vend është në një gjendje problematike, nuk është siç do të donin shumë përshi edhe mua pas 25 prillit. Por padiskutimin është më mirë se para 25 prillit, në kushtet e mungesës së një Parlamenti kushtetues e funksional, zero opozitës. Aktualisht pas 25 prillit, janë mundësitë për rivendosjen e plotë të demokracisë. Për një Parlament funksional dhe ai është qëllimi im kryesor”, tha Meta, ndërsa apeloi për kujdes ndaj situatës me pandeminë në vend.
“Të gjithë të jenë të kujdeseshëm në këtë situatë, ka një tendencë të përkeqësimit e rikthimit të në vale tjetër”, deklaroi presidenti.
