E martë, 30 Nëntor, 2021
7.5 C
Tirana

Përgjimet/ Kush është Ymer Lala, personi kyç i fushatave zgjedhore në Dibër

Ymer Lala, një figurë e njohur për dibranët, është personi që në 10 përgjimet e dyta të publikuara nga gazeta gjermane “Bild”, del protagonist në shtatë prej tyre.

Duket se Lala është personi që ka luajtur një rol kyç në fitoren e PS-së në 2016 për Bashkinë e Peshkopisë, por dhe fitoren e PDIU-së në zgjedhjet parlamentare të 2017-ës, ku vajza e tij, Reme Lala, u bë pjesë e Kuvendit të Shqipërisë.

Ymer Lala, një figurë kontroverse që lidh ngushtë votën e zgjedhësve të Qarkut të Dibrës, për shkak të fisit dhe miqësive personale me nivele të larta të politikës, është parë nga këta të fundit si kyçi për të hapur portën e fitores në zgjedhjet për këtë qark, veçanërisht në Bashkinë e Peshkopisë. Ymer Lala kishte fuqinë të përzgjidhte pranë forumeve të larta të PS-së kandidatin socialist për Bashkinë e Peshkopisë në 2016, Muharrem Rama, pas shkarkimit të Shukri Xhelilit për skandalin seksual.

Jo vetëm kaq, por ai ndikoi që të hartojë dhe listën e këshilltarëve bashkiakë për të pasur një kontroll sa më të plotë të vendimmarrjes në këtë bashki. Edhe punësimet në këtë bashki u bënë po ashtu me bekimin e Ymer Lalës. Madje nuk munguan akuzat në janar të 2018-ës se kishte dorë në përplasjen e fortë fizike në ambientet e Bashkisë së Peshkopisë për shkak të punësimeve në këtë bashki, konflikt që u denoncua edhe nga kryetari i bashkisë, Muharrem Rama.

Por fuqinë e vërtetë Ymer Lala e tregoi në zgjedhjet parlamentare të 2017, kur kandidate për deputete ishte vajza e tij, Reme Lala, e cila nga PDIU-ja kaloi te PS-ja, pasi mori premtimin nga Kryeministri Rama për përfundimin e investimit të nisur për Rrugën e Arbrit.

“Në këtë vit të parë për mua si deputete kam mundur të kuptoj se nuk janë të gjithë njësoj siç duken nga televizori. Sot, në sy të dibranëve dhe tuajin, po ju them se dua të bashkohem me më të mirat dhe më të mirën, Partinë Socialiste, që nuk është më e mira, por më të mirë vërtet nuk kemi parë”, u shpreh Reme Lala në momentin kur kaloi me Partinë Socialiste. Por jo pak herë, emri i Ymer Lalës është lakuar edhe në Kuvend, si nga kryetari i PD-së Lulzim Basha, ashtu dhe ish-kryetari i saj, Sali Berisha, duke e quajtur atë “një kriminel”.

Lexo edhe :   Uroi 28 Nëntorin me foton e Enver Hoxhës, deputeti Çela befason sërish

Po ashtu, Ymer Lala është përmendur dhe në “çështjen Doshi”. Emri i biznesmenit është përmendur dhe në të ashtuquajturin komploti për vrasjen e deputetit Tom Doshi. Emri i Lalës u përmend në një videoregjistrim të Durim Bamit, regjistruar nga ana e deputetit Doshi, si një prej personave që kishte dijeni për komplotin kundër tij. Ai është përmendur edhe gjatë deklarimeve në Prokurori të mikut të tij Fatjon Skënderi.

Lexo edhe :   Uroi 28 Nëntorin me foton e Enver Hoxhës, deputeti Çela befason sërish

Ky i fundit ka deklaruar se Lala kishte udhëtuar drejt Gjermanisë për ta pyetur në lidhje me një telefonatë të marrë nga deputeti Doshi. Në këtë telefonatë, Doshi i kishte thënë se Fatjon Skënderi ishte pjesë e një grupi që po planifikonte vrasjen e tij. /Panorama

PERGJIMI NUMËR 4

Ymer Lala me ish-ministrin Damian Gjiknuri
Ymer Lala: Po zotëri.
Damian Gjiknuri: Tërmet, tërmet. Obobo, i q… nënën.
Ymer Lala: Oh, çfarë i kemi bërë ne të dy.
Damian Gjiknuri: Tërmet.
Ymer Lala: Ej, po më shkruante ai robi.
Damian Gjiknuri: Ehëëë.
Ymer Lala: I thashë, a po flen gjumë? Jo, mor burrë. Jam habitur. Jam habit me Selishtën dhe Luznin. I thashë s’e paskam njoht Damian Gjiknurin dhe më nga afër.
Damian Gjiknuri: Hahahahaah …. Tërmet, Tërmet.
Ymer Lala: Ej, hajt se mbaroj.
Damian Gjiknuri: I q… robt. Doli llafi jot me mbi 1000 vota plus.
Ymer Lala: Ej, me gjithë mend ti, nuk të paskam njohur nga afër.
Damian Gjiknuri: Hahaah. Edhe ti mua, edhe unë ty.
Ymer Lala: Hajde vlla, hajde! Kaloi kjo.
Damian Gjiknuri: Ok!

- Reklama -

Më shumë nga kategoria




Të fundit

Foltorja e Kuçovës dhe kuvendi i partisë: numrat, superstruktura e ideologjia

Nga: Genc Pollo 1-NUMRAT E KUÇOVËS E MË GJERË  Javën e kaluar isha i pranishëm në Foltoren e PD-së në Kuçovë; aty kam shërbyer si deputet...

Implementohet teknologjia e re për pozicionin jashtë loje

FIFA vjen me risi, ku do të implementohet teknologjia e re për pozicionin jashtë loje. Kjo teknologji të re, do të implementohet në Kupën...

Çfarë dimë për variantin Omicron, që po “gjunjëzon” botën

Varianti Omicron i COVID-19, paraqet një rrezik global "shumë të lartë", tha të hënën Organizata Botërore e Shëndetësisë (OBSH). Varianti, i klasifikuar zyrtarisht si 'B.1.1.529'...

Dha dorëheqjen javën e kaluar, kryeministrja e Suedisë rikthehet në detyrë

Magdalena Andersson, e cila dha dorëheqjen shtatë orë pasi u zgjodh si kryeministrja e parë femër e Suedisë javën e kaluar, është përzgjedhur sërish...

Ishte duke raportuar LIVE, gazetaren e ngacmojnë duke e prekur nga të pasmet

Një incident ka ndodhur me një gazetare sportive, e cila gjatë raportimit LIVE është ngacmuar nga një person. Por edhe ajo nuk ka qëndruar...