Përfundon takimi Basha-Kryemadhi/ PD dhe LSI do garojnë më vete në 25 prill

Kryetari i Partisë Demokratike ka zhvilluar një takim 90 minutësh në selinë blu, me kryetaren e Lëvizjes Socialiste për Integrim, Monika Kryemadhi.

Mësohet se në këtë takim është diskutuar për rekomandimin e hapave të opozitës drejt zgjedhjeve. LSI me gjasa do të garojë me listën e saj, ndërsa Partia Demokratike dhe aleatët do të regjistrohen si një koalicion i vetëm, duke u përfshirë në një listë.

Pritet që opozita e bashkuar të bëjë një marrëveshje për qeverisjen e pas 25 prillit. Në fokus të diskutimit midis krerëve të dy partive ka qenë dhe axhenda e përbashkët e opozitës për fushatën zgjedhore në Shqipëri, pasi kanë mbetur vetëm 60 ditë larg 25 prillit.

Një ditë më parë dhe kreu i PDIU-së, Shpëtim Idrizi dhe ai i PR, Fatmir Mediu ishin në takim me Bashën. Në ato takime është folur për emrat e deputetëve që priten të përfshihen në listat e koalicioneve parazgjedhore.