Doktori imunolog, Genc Sulcebe, në një intervistë të dhënë për ‘Report TV’ ka thënë se priteshin shifrat e larta të të prekurve me COVID-19.
Sipas tij, mjekët kanë qenë në dijeni se një situatë e tillë edhe mund të ndodhte, pas vendimit të dhënë për lëshimin e masave.
Sikundër edhe kolegët e tij, ai këshillon mbajtjen e maskës, madje edhe në rrugë.
“Kemi një rritje të përhapjes së infeksionit, që vjen pas asaj mbyllje të fuqishme, ndërsa më pas filloi një aktivitet normal.
Në fakt u harrua pak ideja që ne duhet të bashkëjetojmë me këtë pandemi. Mos mbajtja e maskave, që është mjeti i vetëm për ta parandaluar, bëri që të kemi një përhapje të gjerë. Mbajtja e maskave duhet të jetë vazhdimisht, edhe në rrugë do ishte mirë”.
