Dhëndri i ish-kryeministrit Sali Berisha, Jamarbër Malltezi, ka shprehur qëndrimin e tij sa i takon përjashtimit të Berishës nga grupi parlamentar i Partisë Demokratike. Berisha ka marrë mbështetje nga dhëndri i tij, i cili e konsideron vjehrrin si legjendë.
“Berisha ka qene hero i democracise, tash po e shtyjne te behet legjende. Se pa asnje pushtet mbi bote po sfidon kryediplomatin e botes ne gjyq dhe po deklarohet burrerisht kundra Soros qe ka fut ne xhep gjithe politikanj, media, ojq e dreqtesi. Forcen me te madhe ka qe eshte vetvetja, burri me i ndershem ne kete vend dhe per pasoje i pashantazhueshem”, shkruan ai në një postim në Facebook.
Kreu i Partisë Demokratike, Lulzim Basha, ka vendosur të largojë nga grupi parlamentar ish-kryeministrin Sali Berisha, deri sa të dalë në dritë e vërteta e vendimit të Departamentit Amerikan të Shtetit.
