Kryeministri Rama, gjatë koinferencës për shtyp me kancelaren gjermane, Angela Merkel, gjatë fjalimit përdori dhe disa doza humori, por edhe Merkel nuk qëndroi pasive. Në përfundim, ndërsa e ftoi të vizitojë sërish Ballkanin Perëndimor, Rama nuk kurseu batutat me kancelaren gjermane.
“Merkel tani do të jetë më e lirë, e shpresoj të ketë kohën e dëshirën të kthehet në Ballkan për të lexuar më nga afër realitetin tonë. Për t’u shperblyer me detin, natyrën e humorin e Ballkanit, që në këtë fushë është shumë më parë se BE”, tha Rama.
Pas fjalimit të Ramës, kancelarja Merkel u shpreh entuziaste dhe deklaroi se marrëdhëniet me Shqipërinë janë të mira, dhe bashkëpunimi pritet të zgjerohet.
“Për humorin mbase do të duhet që të thelloheshim, për diellin jam dakord. Marrëdhëniet me Shqipërinë janë të mira, dhe mund ta zgjerojmë bashkëpunimin tonë. Uroj Shqipërinë për përpjekjet që kanë marrë, për të ristrukturuar sistemin e drejtësisë.
Unë përshëndes në mënyrë shprehimore edhe projektin e tregut të marrëveshjes rajonale me 4 marrëveshje. Jo të gjithë janë bashkuar, të tjerë mendohen nëse do t’i bashkohen. Sa më shumë të bashkëpunojnë, është mirë. Procesi i Berlinit nuk është zëvendësim për anëtarësimin në BE”, u shpreh kancelarja gjermane.
