Për shkak të koronavirusit, shumica e shqiptarëve prej disa ditësh janë vetëizoluar në shtëpitë e tyre.
Për moshat e treta, që për hir të së vërtetës janë më të rrezikuarit, autoritetet shtetërore kanë vendosur shpërndarjen e pensioneve në banesa.
Përmes një njoftimi të bërë publik ditën e sotme, Posta Shqiptare bën me dije se të gjithë pensionistët e qarkut të Tiranës mund të telefonojnë në dy numra për çdo paqartësi ose informacion për pensionin e tyre.
“Njoftim i POSTA SHQIPTARE, mbi shpërndarjen e pensionit në banesë. Të gjithë pensionistët e Qarkut Tiranë, përveç informacioneve të afishuara në zyrat postare dhe në faqen zyrtare të Postës Shqiptare, për çdo informacion apo paqartësi në lidhje me shpërndarjen e pensioneve në adresë mund të kontaktojnë në numrat e kontaktit të Filialit të Postës Tiranë: 0692285591; 0694316998”, shkruhet në njoftim.
