Dhjetë ditë pas rrëmbimit të Jan Prengës në Kamëz, mësohet se RENEA ka ushtruar kontrolle në Shijak, ku mendohej se mbahej 49-vjeçari. Prenga u rrëmbye mesditën e 17 janarit, në zonën e Kamzës nga të paktën dy persona ende të paidentifikuar. Raportohet se kontrollet janë zhvilluar në një kompleks në këtë zonë, dhe rrethinat e Shijakut, por pa një rezultat konkret. Dyshimet e policisë janë se rrëmbimi ka lidhje me vëllanë e tij, i skeduar për trafik droge, pasi nuk ka dorëzuar një sasi kokaine.
Si rezultat i kërkimeve, policia ka shoqëruar dy persona, ndërsa ka sekuestruar një armë zjarri pa leje.
Kontrollit i janë nënshtruar edhe rrethinat e Shijakut, për të zbuluar fatin e 49-vjeçarit, ndërsa nga burimet nuk bëhet e ditur për një rezultat konkret.
Duke iu referuar grupit hetimor për pengmarrjen e 49-vjeçarit, dyshohet një sasi prej 16 kg kokainë, e cila nuk është dorëzuar nga i vëllai, i cili sipas autoriteteve shqiptare rezulton i përfshirë në trafikun e lëndëve narkotike.
Sipas policisë, 49 vjeçari nuk rezulton të jetë person me të kaluar kriminale, apo si person i skeduar me precedentë të mëparshëm.
