Kryeministrin Rama e kanë uruar menjëherë ndërkombëtarët, për marrjen zyrtarisht të detyrës. Por ky sinkronizim në kohë reale nga ana e ndërkombëtarëve për ta uruar Ramën, për politikanin Astrit Patozi, ish-drejtues i Bindjes Demokratike, është një tregues i qartë se çfarë pasojash i kanë shkaktuar treshja Basha-Berisha-Meta.
Ceremonia e betimit tek presidenti Ilir Meta, ka shënjuar dhe fillimin e punës zyrtarisht për qeverinë “Rama” 3. Pas betimit tek presidenti, kanë ardhur dhe urimet e para për kryeministrin Edi Rama dhe kabinetin qeveritar. OSBE, ambasadorja e SHBA, ambasadori i BE dhe Komisionieri për Zgjerimin, Oliver Varhelyi kanë uruar Ramën dhe shprehen se janë të gatshëm që të vijojnë bashkëpunimin me qeverinë.
Statusi
MJAFTON KAQ PËR TA KUPTUAR…
Për të kuptuar se çfarë i kanë shkaktuar opozitës treshja Basha-Berisha-Meta mjafton të shikosh se me çfarë shpejtësie, me çfarë sinkronizimi dhe me çfarë dashurie i shprehën urimet qeverisë së re të gjithë aleatët strategjikë të Shqipërisë.
Dhe të mendosh që është i njëjti kryeministër, si më 2013, ashtu edhe më 2017, madje me një mal mëkatesh më shumë se atëherë, kur u betua për herë të parë si shef i ekzekutivit të këtij vendi.
